Rudina Magjistari solli në vëmendje gjatë emisionit lajmet kryesore të showbiz-it shqiptar, duke i komentuar së bashku me Olti Currin, Iva Tiçon dhe Gerta Gixharin.
View this post on Instagram
Një ndër lajmet e gëzueshme që u komentua në studio ishte edhe pajisja me pasaporta shqiptare të çiftit të famshëm kosovar, Nora Istrefi dhe Robert Berisha. Madje ky i fundit në një prononcim për “Rudina”, nuk nguroi të shfaqte entuziasmin.
“Unë dua të falënderoj nga zemra shtetin shqiptar që mua dhe familjes sime na dhanë pasaportat shqiptare.” – tha Robert Berisha.
Për Olti Currin, kjo është një mënyrë që këngëtarët nga Kosova, t’i shpëtojnë problemit me vizat gjatë koncerteve, ndaj bëjnë këtë zgjedhje.
Mirëpo ky argumentim i tij u rrëzua poshtë nga moderatorja Rudina Magjistari, e cila duke sjellë në vëmendje rastin e të shoqit, Xhavit Bajrami tregoi se shqiptarët e Kosovës e kanë ëndërr pasaportën shqiptare.
“Shqiptarët e Kosovës e kanë pasur ëndërr gjithmonë ta kenë pasaportën shqiptare, në mënyrë absolute…”,- tha ajo.
“Oh, harruam ne”, – tha Olti Curri.
Rudina Magjistari tregoi se i shoqi është i pajisur me tre pasaporta, atë shqiptare, të Kosovës dhe të Zvicrës.
