Mbrëmjen e sotme, studentët janë ulur në studion e emisionit “Opinion” dhe po sqarojnë të gjitha pikat një e nga një. Por gjatë kohës që po paraqisnin problematikat e tyre, një nga studentët u shpreh se kryeministri Rama po përpiqet të lidhet me stafin e emisionit “Opinion”. Njëzëri, të gjithë refuzuan të komunikojnë me kryeministrin Edi Rama duke theksuar se mes tyre nuk do të ketë kurrë negociata.
View this post on Instagram
Çfarë kërkojnë studentët? Tani live në Opinion me studentet. #opiniontvshow #live
“Nëse do të duam të negociojmë me Ramën, do e sqarojmë në sheh. Këtu nuk ka asnjë punë, jemi për tjetër gjë. Këtu mungojnë të gjithë ata që janë në shesh, s’mund të flasim për të gjithë” – u shpreh njëri prej tyre në studio.
View this post on Instagram
Studentet e protestes në studion e Opinion. #opiniontvshow #live #dhjetor2018
Ndërsa për zanafillën e protestës, studentët treguan se nisi nga Universiteti i Arkitekturës, pasi u njohën në sekretari me VKM nr.288, ku theksohej se një student përveç taksës është i detyruar të paguaje edhe për kreditet e provimeve të prapambetura.
“Tarifa ka qenë 17.500 lekë të vjetra për një kredit, ndërkohë që tarifa e shkollimit është 400 mijë lekë në vit bachelori dhe 2 milion leke masteri total”, -tha njëri prej studentëve.
Sakaq, një tjetër protestues u shpreh se ka ardhur nga rrethet dhe përgjatë një viti akademik në Tiranë, duke llogaritur tarifat e shkollimit, qeranë, transportin, librat, detyrat e kursit , veshmbathjet i duhet të shpenzojë 5 milion lekë të vjetra. Shumë nga studentët e pranishëm në studio kanë treguar se detyrohen që paralelisht të punojnë, ndërsa kryejnë studimet.
