Tre vite më parë Rita Ora u shpall ambasadore e nderit e Kosovës dhe detyrën e saj në këtë pozicion, këngëtarja me famë botërore e ka kryer në mënyrën e duhur.
Pavarësisht se karriera e saj në muzikë nisi në Britaninë e Madhe, Rita Ora pranoi gjithmonë origjinën e saj, duke i kushtuar edhe këngë.
Ndërsa ndodhet në Londër për Samitin BE-Ballkani Perëndimor, kryeministri i Kosovës, Ramush Haradinaj organizoi një darkë për të falënderuar artisten me origjinë shqiptare. Rita Orës iu dorëzua si dhuratë “Hyjnesha në Fron”, si një mënyrë për ta falënderuar në emër të gjithë popullit shqiptar.
“Përmbyllje e mirë e një dite pune konstruktive në Londër. Takim miqësor me kosovaren më të famshme, Rita Ora, që ngjyrave të flamurit tonë i ka dhënë shkëlqimin më të mirë. Rita përmes muzikës ka bërë më shumë se gjithë ne, e ka ndërkombëtarizuar Kosovën. Ambasadores së nderit, të shpallur sot e tri vite më parë, i dhurova Hyjneshën në Fron të gravuar në filigran për ta nderuar dhe për t’i përçuar mesazhin e gjithë shqiptarëve: Faleminderit që të kemi. Faleminderit që, përkundër që preke majat e suksesit në botë, nuk i harrove rrënjët tua!”, shkruante në postimin e tij Haradinaj.
Në videot e publikuara shfaqet Rita duke mbajtur në dorë dhuratën, ndërsa falënderon kryeministrin e Kosovës për gjestin.
Për t’u njohur të parët me lajmet më të fundit nga showbiz-i, moda, bukuria, aktualiteti, etj., shkarkoni falas aplikacionin e iconstyle.al
iOS: https://itunes.apple.com/gb/app/iconstyle/id1404396029?mt=8
Android: https://play.google.com/store/apps/details?id=com.electral.iconstyle
