Kryeministri Edi Rama ka folur sot për vizitën e tij në një prej tregjeve të fruta-perimeve në rrugën Vasil Shanto, ku pati disa përballje me të moshuarit që kishin dalë nga shtëpitë e tyre.
Kreu i qeverisë shprehet se situata ishte mjaft pozitive, por problem mbeten pensionistët të cilët dalin nga shtëpia.
Ai u ka paraprirë komenteve që i vënë në dukje faktin që është pa masa mbrojtëse, si maska e dorëza, ndërsa shprehet se ato janë vetëm për të sëmurët dhe jo për kalimtarët që zbatojnë distancën 1 metër.
? SOT NË DISA TREGJE TË TIRANËS KU SITUATA ISHTE MJAFT POZITIVE
? PROBLEM PENSIONISTËT QË DALIN NGA SHTËPIA, ÇKA ËSHTË E NDALUAR, SEPSE SHKALLA E RREZIKUT PËR TA ËSHTË SHUMË E LARTË
? RESPEKT MAKSIMAL PËR RREGULLAT DHE DURIM, DURIM, DURIM
*** dhe duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka?
E e kemi përsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi…
Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur ?
/Iconstyle.al
