Ditën e sotme kurba e të infektuarve me koronavirus në vendin tonë shënoi një ulje.
Teksa një ditë më parë patëm 17 persona të infektuar, ditën e sotme u shënuan vetëm 9 raste të reja.
Në këtë mënyrë numri i të infektuarve ka shkuar në 409 persona.
Numri i viktimave për fat të mirë ka mbetur në 22 dhe 164 persona kanë mposhtur virusin e rëndë.
Nëpërmjet një postimi në Facebook, kryeministri Edi Rama ka publikuar një grafik të progresionit të sëmundjes pas rastit të 20 të konfirmuar në vendin tonë.
Sipas kreur të qeverisë, sot nuk kemi shumë viktima si rezultat i mënyrës se si e kemi bërë luftën deri këtu, teksa bën thirrje për durim deri në fund, për të pasur një rezultat sa më të mirë për të gjithë.
Postimi i plotë:
Të gjitha kanë rëndësinë e tyre, po mbi të gjitha sot është mbrojtja e jetës së çdo shqiptari dhe ecja çdo ditë të bashkuar, popull dhe shtet, drejt fitores së kësaj lufte që nuk e zgjodhëm, por kemi detyrën ta fitojmë!
*Nëse sot jemi në këtë pikë, e jo mbi ndonjë mal me të vdekur, kjo është falë nesh e mënyrës se si e kemi bërë luftën deri këtu, shtet e popull bashkë si një trup i vetëm dhe vetëm prej nesh varet tanimë ta çojmë deri në fund kështu këtë luftë
