Pasditen e sotme, një paciente 72-vjeçare nga Tirana, me inicialet V.S. ka ndërruar jetë për shkak të virusit vdekjeprurës Covid-19.
Pacientja ndodhej në Spitalin Infektiv në QSUT dhe ishte në gjendje të rëndë shëndetësore.
Ajo po mbahej në terapi intensive prej disa ditësh, ndërsa gjendja e saj është rënduar gjatë ditës së sotme.
Ajo është intubuar, mirëpo pavarësisht përpjekjes së mjekëve, nuk ka mundur dot të mbijetojë.
72-vjeçarja vuante nga insuficenca renale kronike, hipertensioni dhe hipotiroidizmi.
Ajo është viktima e 23-të për shkak të COVID-19 në vendin tonë, ndërkohë që numri i të infektuarve ka shkuar në 409.
Shpërndarja gjeografike e rasteve pozitive, është si vijon:
– Tiranë 196 raste
– Durrës 38 raste
– Lushnje 5 raste
– Elbasan 15 raste
– Fier 32 raste
– Kavajë 8 raste
– Rrogozhinë 4 raste
– Korçë 17 raste
– Vlorë 5 raste
– Shkodër 45 raste
– Lezhë 14 raste
– Berat 2 rast
– Has 12 raste
– Krujë 5 raste
-Tropojë 4 raste
– Pukë 4 raste
– Mirditë 3 raste
