Kryebashkiaku i qytetit të San Pedro Huamelo, në Meksikën jugore, u martua me Miguelana Estela de Mar Zavaleta Ramirez. Nusja është një kajman femër, një lloj aligatori ujor.
“Dasma” është një traditë 230-vjeçare që simbolizon bashkimin e dy kulturave indigjene të Oaxacas, Chontal dhe Huave. Besohet se sjell prosperitet në komunitetin vendas.
Kryebashkiaku Daniel Gutierrez mori pjesë në ceremoninë simbolike, e cila mbahet çdo vit, dhe i tha “po” “princeshës” së tij. Si pjesë e “dasmës” së saj, banorët e zbukuruan Miguelana Estela me një fustan të bardhë nusërie dhe e çuan atë në një turne në disa shtëpi në qytet, të shoqëruar me muzikë vallëzimi.
A mayor in Mexico married an alligator 🤣🤣 pic.twitter.com/8imgnK1y5J
— ScorpWeb (@Scorpwebb) July 1, 2025
Gutierrez e vulosi bashkimin e tij me kaimanin me një puthje, duke simbolizuar dashurinë dhe përkushtimin e tij ndaj komunitetit të tij.
“Nusja” përfaqëson një princeshë Wawe dhe kryetarin e bashkisë mbretin e Chontal. Sipas legjendës, një martesë mbretërore midis dy komuniteteve shekuj më parë solli paqe midis tyre. Qindra vjet më vonë, ceremonia përsëritet, si simbol i paqes dhe unitetit.
“Për ne, është një ritual në të cilin i kërkojmë Nënës Tokë dhe krijueses sonë një bollëk të korrash, peshku, çdo produkti që prodhon rajoni ynë“, tha banori Luis Manuel Lopez.
Festimi, me muzikë dhe vallëzim, zgjat tre ditë dhe është kulmi i festimeve në nder të shenjtorit mbrojtës të qytetit, Apostullit Pjetër. Për zvarranikun kujdeset një grua, e ashtuquajtura “ndrikull”, e cila e vesh atë me veshje tradicionale, shumëngjyrëshe dhe mbulesa koke me lule.
“Huameloula ka një traditë dhe kulturë kaq të pasur saqë sot, si çdo vit, është në qendër të botës“, tha Gutierrez.
