Një krim në familje tronditi qytetin e Vlorës paraditen e sotme.
Sipas burimeve të policisë mësohet se, burri ka mbytur me duar bashkëshorten e tij gjatë një sherri dhe më pas ka tentuar të kryejë vetëvrasje, duke prerë damarët e dorës me thikë.
Deri më tani raportohet se, autori i krimit ndodhet në gjendje të rëndë në spital, për shkak të humbjes së një sasie të madhe gjaku.
Viktima mësohet se është 42-vjeçarja Eva Lera, ndërsa autori Teodor Lera, 53 vjeç. Bashkëshortët ishin prindër të tre fëmijëve, të cilët nuk dihet ende nëse kanë qenë në banesë kur ndodhi ngjarja.
Ende nuk dihet arsyeja e krimit që u shënua rreth orës 12:20, ndërsa sipas raportimeve ngjarja u shënua në një banesë pranë komisariatit të Policisë.
