Pak më parë, Klinika Infektive e Kosovës ka bërë me dije se një paciente ka humbur jetën për shkak të koronavirusit.
Viktima është një 73-vjeçare nga komuna e Shtimes, e cila qëndronte në spital prej 5 ditësh.
Bëhet me dije se e moshuara kishte edhe sëmundje të tjera shoqëruese që ndikuan në shëndetin e saj.
Në këtë mënyrë numri i viktimave për fat të keq në Kosovë ka shkuar në 20 dhe pritet që pas pak të dalë edhe përditësimi për 24 orët e fundit.
Njoftimi i plotë:
Klinika Infektive e QKUK-së ka njoftuar se sonte në mbrëmje (25. 04. 2020) në këtë klinikë ka ndërruar jetë pacientja F.G. (1947), nga komuna e Shtimes.
Pacientja është spitalizuar në Klinikën Infektive me datën 20.04.2020, dhe krahas infeksionit COVID-19 ka qenë e diagnostikuar edhe me sëmundje të tjera kronike.
Kjo është vdekja e 15 në QKUK nga Covid-19 dhe e njëzeta (20) në nivel vendi nga kjo sëmundje.
