Disa ditë më parë Partia Demokratike e Kosovës kërkoi që transporti urban të ofrohej falas një muaj për qytetarët, propozim ky që është miratuar nga kuvendi komunal i Prishtinës.
Kështu, duke nisur nga nesër udhëtimi me autobusa urban do të jetë falas për të gjithë qytetarët e Kosovës për një muaj.
Ishte kryetari i komunë së Prishtinës, Shpend Ahmeti, ai i cili me anë të një postimi në Facebook bëri me dije lajmin.
Gjithashtu, Ahmeti ka thënë se të gjitha rregullat dhe masat mbrojtëse kundër COVID-19 mbeten në fuqi dhe janë të detyrueshme për secilin që udhëton me autobusa.
“Qarkullimi me autobusët e Trafikut Urban do të jetë falas për të gjithë qytetarët për një muaj rresht, duke filluar nga nesër 1 dhjetor. Zbatimi i të gjitha rregullave dhe masave mbrojtëse kundër #covid19 mbeten në fuqi dhe janë të obligueshme për secilin që udhëton me këta autobusë”, ka shkruar Ahmeti.
Gjatë 24 orëve të fundit në Kosovë kanë humbur jetën 11 persona dhe janë konfirmuar të infektuar me Covid 539 raste të reja.
Nga fillimi i pandemisë e deri më tani numri total i rasteve pozitive është 39.596 raste nga 143.988 persona të dyshimtë në virusin SARS-CoV-2 dhe 1.016 raste të vdekjes.
