Instituti Publik i Shëndetësisë së Kosovës ka njoftuar se në 24 orët e fundit janë regjistruar 4 raste të reja me COVID-19, pas testimit të 92 mostrave të marra.
Kështu, numri i të infektuarve në këtë vend ka shkuar në 112.
Rastet e konfirmuara janë raste kontakti, 2 prej të cilëve janë me vendbanim në Mitrovicën veriore, 1 me vendbanim në Vushtrri dhe 1 me vendbanim në Malishevë.
Fatmirësisht, Kosova ka ende vetëm 1 viktimë nga Covid-19, një i moshuar 82-vjeçar.
Gjithashtu, bëhet e ditur se pas përsëritjes së testit të dytë, sot kanë rezultuar negativë 4 pacientë, duke u shëruar plotësisht nga Covid-19.
Ndërsa në vendin tonë numri i viktimave ka shkuar në 15 dhe gjithsej numërohen deri tani 243 raste të infektuara.
