Albin Kurti ka zhvilluar një mbledhje në Shkup, ku gjatë qëndrimit atje, kryeministri ka treguar se ka qenë i kërcënuar nga individë e struktura të cilët i kanë rrënjët e tyre në Beogradin zyrtar. Falë forcave të shumta policore, ai nuk është ndjerë i rrezikuar gjatë mbledhjes ku mori pjesë.
“Unë kam mësuar se ka shumë kërcënime nga individë e struktura të cilët i kanë rrënjët e tyre në Beogradin zyrtar. Mirëpo unë porsa erdha nga Shkupi këtu, nuk jam ndjerë i rrezikuar, veçse kam parë që kishte shumë forca policore të cilët u kujdesen për këtë mbledhjen që e mbajtëm në Shkup me këto partitë socialdemokrate”, ka thënë Kurti para gazetarëve.
Ndërsa mediumi publik ka raportuar sot se Kryeministri i Kosovës, Albin Kurti, është kërcënuar me vrasje.
Radio-Televizioni Kosovës raportoi se institucionet e sigurisë në Kosovë menjëherë pas mbledhjes së KS të OKB-së, kanë siguruar të dhëna se nga Serbia ka pasur përpjekje për vrasjen e Kurtit në Shkup, ku ka qëndruar mbrëmë.
