Kosova do të marrë një hap të rëndësishëm për të parandaluar epideminë e Koronavirusit në vend dhe për të testuar personat në një kohë të shkurtër.
Kjo aparaturë mund të tregojë në 10 minuta nëse pacienti është apo jo i infektuar me Covid-19.
Pajisja është krijuar nga kompania “Spring” me bazë në Zvicër, pjesë e së cilës janë edhe dy shqiptarë të Kosovës.
Njëri prej përfaqësuesëve të kompanisë, Agron Selimi, ka treguar në emisionin “Pressing”:
’Ne përfaqësojmë kompaninë Spring nga Zvicra që është kompani që merret me hulumtimin e këtre gjërave teknologjike. Kjo është një kompani zvicerane që ka partneritet me organizata shtetërore dhe testi bëhet siç bëhet matja e diabetit. E merr gjakun dhe e vendos në një provëz. Është edhe një pjesë tjetër e likidit dhe e testojmë. Është në testim dhe deri tani janë shitur 30 milionë copë.Ministria e Shëndetësisë është në bisdime drejtpërdrejt me kompaninë. Mendoj se do ta sjellim në javën e ardhshme dhe është e mirë për çdo qytetar. Është e mundshme të bëhet cdo natë. Është optimale për policinë dhe ushtrinë që nuk mund të bëjnë teste dhe të presin rezultate. 20 mijë copë do të sjellim në fillim të javës së ardhshme. 98% është saktësia e mjetit’’
Deri tani, numri i të prekurve nga Koronavirusi në Kosovë ka shkuar në 15, ndërsa është shpallur edhe emergjenca kombëtare.
