Tani që e gjithë bota është mbërthyer nga koronavirusi, në internet është bërë virale një video e një episodi të TGR Leonardo publikuar më 16 nëntor 2015, ku njoftohej se virusi është prodhuar në një laborator kinez.
Një proteinë e marrë nga virusi i lakuriqëve të natës është përshtatur me koronavirusin SARS për t’u rritur te minjtë. Rezultati i eksperimentit ishte një hibrid, një patogjen i inxhinierizuar me karakteristika të ndërmjetme midis dy viruseve, i aftë të infektonte njerëzit pa kaluar nëpër një mjedis të ndërmjetëm.
Eksperimenti i diskutueshëm kishte për qëllim demonstrimin e rolit të proteinës së lartpërmendur në infeksionin dhe transmetimin e mundshëm të drejtpërdrejtë. Proteina konsiderohet thelbësore në këtë proces pasi është pikërisht ajo që lejon që virusi të lidhet me receptorin në qelizat njerëzore dhe t’i “zhvendosë” ato, duke i dhënë kështu rrugën infektimit.
Kjo video e vjetër e Leonardo TGR është risjellë në pah në rrjetet sociale në këto ditë, me qëllim për të thënë se ky koronavirus i SARS-CoV-2 është përgjegjës për COVID-19, infeksionin që po shqetëson tërë botën.
Me fjalë të tjera, teoricienët e konspiracionit pohojnë se është e njëjta “krijesë”, e cila i ka shpëtuar kontrollit të shkencëtarëve, ose mbase me qëllim strategjik e kanë nxjerrë jashtë laboratorit.
Për më tepër, në Wuhan, qyteti nga i cili filloi pandemia, ekziston një laborator me nivelin maksimal të biosigurisë dhe lajmet e para që qarkulluan lidheshin pikërisht me humbjen e kontrollit të një patogjeni.
Të gjitha këto lajme tashmë janë konfirmuar si të rreme! Virusi nuk u krijua në laborator.
Një studim i kohëve të fundit i kryer nga shkencëtarët e Institutit Kërkimor Scriptps, thotë se lidhja midis përbërësit të virusit të quajtur “domain binding receptor” (ose RBD ) dhe receptorit ACE-2 i qelizës njerëzore të cilit i bashkëngjitet, është aq e përsosur sa që mund të ketë dalë vetëm përmes seleksionimit natyror.
“Duke krahasuar të dhënat e sekuencës gjenomike të disponueshme për llojet e njohura të koronavirusit, ne mund të vërtetojmë se SARS-CoV-2 e ka origjinën përmes proceseve natyrore,” tha profesori Kristian G. Andersen në Departamentin e Imunologjisë dhe Mikrobiologjisë së Institutit Amerikan.
Prandaj nuk ka asnjë gjurmë të virusit të përhapur përmes minjve dhe manipulimeve laboratorike.
L’ultima scemenza è la derivazione del coronavirus da un esperimento di laboratorio. Tranquilli, è naturale al 100%, purtroppo. https://t.co/GBKEPNWGyf
— Roberto Burioni (@RobertoBurioni) March 25, 2020
