Koronavirusi: Si paraqitet situata në Shqipëri, Kosovë dhe në mbarë botën!

Në Shqipëri numri i të prekurve nga Koronavirusi ka shkuar në 55 dhe Tirana vazhdon të jetë më e rrezikuara.

38 prej të infektuarve ndodhen në kryeqytet dhe për të parandaluar përhapjen, qeveria ka marrë masa të rrepta.

Lexo edhe :

Selin: S’dal nga ky Prime pa sqaruar që s’kam interes për burra të martuar

23:18 07/03/26

Stuhia shkatërruese përfshin SHBA-në, 6 të vdekur dhe dhjetëra të plagosur

22:45 07/03/26

Për fat të mirë numri i viktimave nuk ka ndryshuar, duke mbetur në 1 që është rasti i të moshuarës në Durrës.

Në rang global, deri në këto momente numërohen 198 727 raste të infektuara me Covid-19, 7989 persona të vdekur dhe më shumë se 82 mijë pacientë janë shëruar.

Kosovë

Në Kosovë numri i të prekurve nga Koronavirusi shkoi në 19, ndërsa qeveria ka mbyllur shkollat dhe ka ndaluar të gjitha aktivitetet publike.

Mali i Zi

Mali i Zi ditën e djeshme ka konfirmuar 2 rastet e para të të prekurve me Koronavirus.

Kryeministri Dushko Markoviç ka bërë me dije se personat e infektuar ishin dy gra të moshës 72 dhe 47-vjeçare, nga Podgorica dhe Ulqini.

Itali

Italia numrëon shifrat më të larta të të infektuarve dhe jetëve të humbura për shkak të Covid-19.

Deri tani, janë konfirmuar 31, 506 raste të infektuara, ndërsa 2, 503 persona kanë ndërruar jetë.

2,060 persona nga të prekurit janë në gjendje kritike për jetën

SHBA

Në Shtetet e Bashkuara janë shtuar 7 vdekje, duke e çuar në 116 numrin e tyre total.

Gjithsej, janë konfirmuar 6, 522 raste të infektuara, 12 prej të cilëve janë në gjendje kritike për jetën.

Zvicër

Numri total i jetëve të humbura në Zvicër ka shkuar në 27.

Numërohen 2,742 të prekur deri tani, mirëpo të infektuarit nuk kanë shfaqur shenja të rënda të virozës.

Francë

Franca ka konfirmuar 27 vdekje të reja, të cilat e kanë çuar në 175 numrin total të tyre.

Raste të infektuara me Koronavirusin janë, 7,730 ndërsa 699 prej tyre janë paraqiur në gjendje të rënduar shëndetësore.

Spanjë

Spanja ka shënuar 191 viktima të reja, ndërsa numri i tyre total ka arritur në 533

Gjithsej numërohen 11,826 raste të konfirmuara me koronavirus, ndërsa 563 prej tyre kanë rrezikshmëri për jetën.

Kinë

Në Kinë situata është përmirësuar ndjeshëm dhe në 24 orët e fundit kanë ndërruar jetë 11 persona. Numri total i tyre ka arritur në 3,237.

Ndërsa raste të reja të prekur me COVID-19 janë regjistruar vetëm 13.