Shkon në 39 numri i personelit mjekësor të shëruar nga COVID-19, ndërsa 3 pjestarë të tjerë të këtij personeli janë shëruar në 24 orët e fundit në Tiranë.
Kryeministri Rama përmes një postimi në rrjetet sociale shkruan se së bashku me anëtarët e personelit mjekësor shkon në 19 numri i personave të shëruar nga COVID-19 në 24 orët e fundit, dhe se për të 7-ën ditë radhazi numri i të shëruarve është më i lartë se numri i të infektuarve aktiv.
Është ulur numri i rasteve të reja të të infektuarve me koronavirus në Shqipëri, me vetëm 9 të prekur në 24 orët e fundit. Në total janë 548 të infektuar.
510 të infektuar në Kosovë, 6004 nën monitorim
Instituti Kombëtar i Shëndetësisë Publike të Kosovës ka njoftuar se janë konfirmuar 30 raste të reja me Koronavirus, duke e çuar totalin e të infektuarve në 510. Ndërkohë, përgjatë 24 orëve, janë duke u kontaktuar dhe mbikëqyrur të gjitha kontaktet e rasteve pozitivë me COVID-19, duke i detyruar për vetizolim të kontaktuarit dhe të kërkojnë ndihmë mjekësore nëse kanë simptoma të virusit. Sipas institutit, deri më sot janë kontaktuar dhe janë nën mbikëqyrje 6,004 kontakte të rasteve.
IKSHPK-ja po ashtu bëri të ditur se të shtunën janë shëruar nëntë pacientë, duke e çuar në 93 numrin e përgjithshëm të të shëruarve. Me shifrat e fundit, numri total i të infektuarve në Kosovë arrin në 510, ndërsa 12 pacientë kanë humbur jetën.
Mbi 156 mijë të vdekur në mbarë botën
Numri i vdekjeve të lidhura me koronavirusin ka kaluar 156,000 në të gjithë botën, sipas një raporti të Universitetit Johns Hopkins.
Ministri turk i Shëndetësisë, Fahrettin Koca, ka njoftuar se me 121 viktima të reja të regjistruara në 24 orët e fundit, numri i vdekjeve nga koronavirusi i ri (COVID-19) në vend është rritur në 1.890. Rastet e konfirmuara të koronavirusit të vendit u rritën në 82,329, duke kapërcyer Iranin.
Numri i vdekjeve në Shtetet e Bashkuara ka tejkaluar 31,000.
Guvernatori i shtetit të Uashingtonit Jay Inslee ka akuzuar Presidentin e SHBA Donald Trump për “nxitje të rebelimit të brendshëm dhe përhapjen e gënjeshtrave”, pasi ky i fundit foli për lehtësimin e masave në tre shtete të udhëhequra nga qeveritarët demokratë.
Rastet e koronavirusit të ri në Brazil u rritën me 2,917 në 36,599, tha Ministria e Shëndetësisë.
Brazili ka më shumë raste të koronavirusit se çdo vend tjetër në Amerikën Latine. Vdekjet u rritën me 206 në 2.347 në total, sipas njoftimit nga ministria.
Franca ka raportuar 642 vdekje të tjera nga koronavirusi, ku numri i përgjithshëm i vdekjeve nga ky virus në vend është rritur në 19.323.
Ndërkohë, numri i rasteve të konfirmuara me COVID-19 është rritur në 111.822, me 2.569 raste të raportuara në 24 orët e fundit, ndërsa numri i përgjithshëm i të shëruarve ka shkuar në 35.983.
Ministria e shëndetësisë e Mbretërisë së Bashkuar ka thënë se numri i vdekjeve në spital nga COVID-19 në vend u rrit me 888 në 15 464 në total që nga 17 prilli.
Kryeministri i Spanjës Pedro Sanchez tha se do të kërkojë nga parlamenti një zgjatje të tretë prej 15 ditësh të bllokimit të vendosur për të frenuar një nga shpërthimet më të këqija në botë të koronavirusit, deri më 9 maj.
Sanchez tha se ai dëshironte të lehtësonte kufizimet për fëmijët, të cilët do të lejoheshin jashtë shtëpive të tyre pas 27 prillit, megjithëse kjo ndihmë do të ishte “e kufizuar dhe do t’i nënshtrohej kushteve për të shmangur infeksionet”.
Kina duhet të përballet me pasoja nëse do të ishte e vetëdijshme për përgjegjësinë e përhapjes së pandemisë së koronavirusit, sipas Donald Trump.
“Nëse ishte gabim, gabimi është gabim. Por nëse ata do të ishin me vetëdije përgjegjës, po, dua të them, atëherë i sigurt se duhet të ketë pasoja” tha Trump, duke mos sqaruar se çfarë veprimesh mund të ndërmarrin Shtetet e Bashkuara.
/Iconstyle.al
