9 pacientë të tjerë kanë fituar betejën me koronavirusin, duke çuar në total numrin e të shëruarve në Shqipëri në 85. Ky lajm i mirë është bërë i ditur nga kryeministri Edi Rama, i cili shkruan në Facebook: “Lajm i mirë: 9 të shëruar sot”.
Ndërkohë, dje ministria bëri me dije se në total janë konfirmuar pozitivë 277 persona (18 raste të reja brenda 24 orëve), 8 prej të cilëve janë fëmijë. Dje humbi jetën një 78-vjeçar nga qyteti i Durrësit i prekur me koronavirus, duke çuar numrin e viktimave në 16. Viktima kishte sëmundje shoqëruese.
Foshnja 5-muajshe e infektuar në Kosovë, në gjendje të mirë
Në mesin e 11 të infektuarve me COVID-19, në Komunën e Kamenicës, është edhe një foshnje pesë muajshe, gjendja momentale e së cillës është e mirë, u shpreh drejtoresha e Klinikës Infektive në QKUK, Lindita Berisha.
Numri i personave të infektuar me COVID-19 ka arritur në 125 në Kosovë, 10 prej tyre janë shëruar, ndërsa dy kanë ndërruar jetë.
55 viktima në Greqi nga koronavirusi
Në Greqi ka shkuar në 55 numri i viktimave nga COVID-19. Dy viktima janë shënuar në spitalin e Nauses në Greqinë veriore. Ata janë një 60 vjeçar dhe një 78 vjeçare. Të dy kishin sëmundje të tjera shoqëruese.
SHBA, numri i vdekjeve po afron shifrën 6 mijë
Numri i të infektuarve me koronavirus vazhdon të rritet në të gjithë botën, me më shumë se 1,013,000 njerëz të diagnostikuar, pasi numri i vdekjeve tejkaloi 53,000, duke përfshirë mbi 6,000 vdekje në Shtetet e Bashkuara, sipas të dhënave nga Universiteti Johns Hopkins të premten.
Numri i vdekjeve pandemike të koronavirusit në Spanjë kaloi shifrën 10,000 të enjten, pasi vendi raportoi numrin më të lartë të vdekjeve ditore (950) që nga shpërthimi i epidemisë.
Asambleja e Përgjithshme e OKB ka aprovuar njëzëri një rezolutë që njeh “efektet e pashembullta” të pandemisë së koronavirusit dhe duke bërë thirrje për “bashkëpunim të intensifikuar ndërkombëtar për të përmirësuar, zbutur dhe mposhtur” sëmundjen vdekjeprurëse.
Më shumë se 210,000 njerëz janë shëruar nga sëmundja, përfshirë 9,000 në SH.B.A.
Ndërkohë, Presidenti Donald Trump ka thirrur Aktin e Prodhimit të Mbrojtjes për të zgjeruar me shpejtësi prodhimin e brendshëm të maskave mbrojtëse N95, pasi zyrtarët shëndetësorë debatojnë për udhëzime të reja mes shqetësimeve se sëmundja po përhapet nga njerëzit e infektuar që nuk tregojnë simptoma.
Kina raporton 3,322 vdekje nga koronavirusi
Komisioni shëndetësor i Kinës raportoi të premten katër raste të reja të infektuarish me koronavirus, duke e çuar totalin në 3,322 deri në fund të së enjtes.
Kina raportoi gjithashtu 60 raste të reja asimptomatike të virusit.
Shteti i Uashingtonit zgjat qëndrimin në shtëpi deri në 4 maj
Shtatë milionë banorët e Uashingtonit do të qëndrojnë në shtëpi deri në 4 maj, për të minimizuar përhapjen e koronavirusit.
Ditët e fundit, guvernatori Inslee kishte sinjalizuar që urdhërat e tij fillestare të qëndrimit në shtëpi të marra më 23 mars, që përfundonin javën e ardhshme, do të zgjeroheshin dhe ashtu ndodhi.
Australia thotë se infeksionet mund të jenë deri në 10 milionë raste
Rreth 10 milionë njerëz në botë mund të jenë infektuar nga koronavirusi i ri, tha zyrtari kryesor mjekësor i Australisë, për shkak të mungesës së testimeve në disa vende.
“Në mbarë botën kemi kaluar 1 milion infeksione. Por ne besojmë se numri i vërtetë është pesë ose 10 herë më shumë,” u tha Brendan Murphy gazetarëve.
Murphy tha se nivelet e vdekshmërisë ndryshojnë aq shumë në mbarë botën saqë beson se shumë infeksione po po shtohen.
Organizata Botërore e Shëndetit u ka bërë thirrje vendeve që të rrisin ndjeshëm testimin për koronavirusin.
/Iconstyle.al
