Virusi vdekjeprurës Covid-19 i cili ka përhapur panik në mbarë botën, po rrit frikshëm dita-ditës shifrat e personave të infektuar dhe jetëve të humbura.
Ditën e sotme është shënuar viktima e parë edhe në Serbi.
Një burrë 59-vjeçar ka humbur jetën si pasojë e Covid-19 në Qendrën Klinike të Vojvodinës.
Lajmin e ka bërë të ditur kryeministrja serbe, Ana Brnabić.
Sipas saj, viktima e kishte marrë virusin nga një person, djali i të cilit kishte qenë në Milano.
Gjithashtu, Brnabic bëri të ditur se në Serbi janë regjistruar edhe 32 rastet të reja, duke çuar në 135 numrin total të tyre.
Kryeministra ka bërë të ditur se ditën e nesërme Serbia do të mbyllë transportin publik, ndërsa kafenetë, baret dhe restorantet do të mbyllen gjatë të dielës.
