Virusi vdekjeprurës Covid-19 ka shënuar viktimën e parë shqiptare edhe në Amerikë.
Shqiptaro-amerikani Andre Ljuljovic ka humbur jetën në SHBA pasi u përball me koronavirusin, betejë të cilën s’mundi ta fitonte dot.
Lajmi është bërë i ditur nga gazeta “Ilyria” në New York.
Andre ishte një djalë i ri në moshë, i cili në tetor të vitit të kaluar ishte martuar me partneren e tij Janet Gazivoda.
Përveç familjarëve dhe të afërmve, humbja e tij ka pikëlluar gjithashtu komunitetin e shkollës së mesme, në Archbishop Stepinac, në White Plains, ku është njohur si nxënës dhe atlet i fuqishëm në ekipin e futbollit amerikan të shkollës.
Westchester ka qenë një prej vatrave të para të përhapjes së Covid-19 në New York.
