Koreja e Jugut po u ofron të rinjve “të izoluar” 500 dollarë në muaj për t’i bërë ata të lënë shtëpitë e tyre dhe të lidhen me shoqërinë.
Ky vendim synon të inkurajojë të rinjtë e mbyllur në shtëpi të kthehen në shkollë, të kërkojnë punë dhe “të rivendosin jetën e tyre të përditshme”.
Ata që përfitojnë nga kjo nismë e qeverisë së Koresë së Jugut janë moshat nga nëntë deri në 24 vjeç. Shifra prej 500 dollarësh në muaj do të shkojë për ushqimin, veshjen, strehimin dhe shpenzimet e tjera të jetesës së të rinjve.
Të rinjtë e kualifikuar do t’i marrin paratë ose në mallra ose në para të dërguara në llogarinë e tyre bankare. Për ata nën 18 vjeç, paratë do të dërgohen në llogaritë e prindërve ose gjyshërve sigurisht me pëlqimin e tyre.
Rreth 338,000 të rinj në Kore janë bërë të tillë “të vetmuar”. Këta adoleshentë dhe të rinj priren të mbyllen në shtëpi për muaj të tërë për periudha të gjata kohore, duke iu shmangur shkollës dhe punës për muaj apo edhe vite.
Shumë nga këta të rinj të izoluar janë nga familje më të varfra dhe kanë filluar të mbyllen nga shoqëria në moshë të re. Disa arsye të izolimit të tyre nga shoqëria janë: traumat personale, ngacmimet në shkollë, stresi akademik, konfliktet familjare ose mungesa e kujdesit nga kujdestarët ose prindërit e tyre.
