Ditën e sotme, Shkodra raportoi 4 raste të reja të prekura me Covid-19, duke mbajtur deri tani vendin me më shumë të infektuar në Shqipëri.
Njëri prej të prekurve të ditës së sotme ishte edhe koordinatori i OSHEE-së për Vaun e Dejës, Pukën dhe Shkodrën.
Analiza e tij ka rezultuar pozitive, së bashku me të motrën.
Mirëpo, mësohet se gjatë ditës së sotme koordinatori ka zhvilluar një takim në zyrat e OSHEE-së, ndaj pas mbledhjes punojësit e kompanisë janë futur në karantinë.
Sipas “ABC News”, personat që kanë patur më shpesh kontakte me koordinatorin i janë nënshtruar analizës për koronavirusin, ndërsa punojës të tjerë pritet t’u nënshtrohen testeve.
Ditën e sotme, numri i personave të infektuar në vendin tonë shkoi në 416, ndërsa 23 pacientë kanë humbur jetën për shkak të COVID-19.
