Këngëtarja Fifi së fundmi ka zyrtarizuar lidhjen e saj me Adis Patushin, ish bashkëshorti i modeles Adrola Dushi, nëpërmjet shkëmbimit të një puthjeje me të gjatë një nga koncertet e saj.
Ajo kishte publikuar edhe më parë foto në llogarinë e saj të “Instagram” me Patushin, por aludimet u konfirmuan vetëm para pak ditësh.
Ndërkohë, dimë se Fifi ka patur një situatë të ndërlikuar me Granit Canën përgjatë rrugëtimit të saj në shtëpinë e “Big Brother VIP Albania”, ku ajo ka garuar për një kohë të gjatë.
Ajo shprehu hapur pëlqimin ndaj Granitit në format ndërkohë që herë pas here janë shprehur se i kanë ruajtur kontaktet edhe pas largimit të tyre nga gara.
Mirëpo, me zyrtarizimin e lidhjes së Fifit, duket se Graniti mund të mos ketë reaguar mirë. Ai ka postuar ditën e sotme një “story” në “Instagram”-in e tij, e cila na duket si një reagim ndaj konfirmimit të lidhjes së këngëtares.
“Kush është fallco ose real, tani duket shumë qartë”- shkruan ai pa kontekst duke mos e sqaruar se kujt i referohet ky dedikim.
Rikujtojmë se gjatë intervistës së tij të fundit, Graniti theksoi se me Fifin mban ende relata shumë të mira, ku shkruhen shpesh me njeri-tjetrin, por nuk kanë shumë kohë për t’u takuar, pasi kanë angazhimet e tyre.
