Ditën e sotme kanë rezultuar pozitivë me virusin vdekjeprurës Covid-19 edhe 6 raste të tjera në Kosovë.
Deri tani, numri i të prekurve ka shkuar në 132, siç konfirmohet nga Instituti Kombëtar i Shëndetësisë Publike të Kosovës.
Sipas njoftimit, të gjitha rastet e konfirmuara janë raste kontakti.
Gjithashtu, numri i viktimave në Kosovë për shkak të koronavirusit ka shkuar në 2.
Njoftimi i plotë:
“GJASHTË TË SHËRUAR DHE GJASHTË RASTE ME COVID-19! Sot më 03.04.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 105 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2, gjashtë (6) prej tyre kanë rezultuar pozitive. Sot më 03.04.2020, janë të shëruar edhe gjashtë (6) pacientë derisa numri i përgjithshshëm i të shëruarve deri me sot është gjashtëmbëdhjetë (16). Falënderojmë Klinikën Infektive dhe stafin e profesionistëve për shërimin e pacientëve. Rastet pozitive janë raste kontakti, katër (4) prej të cilave janë me vendbanim në Llugagji -Pejë, një (1) me vendbanim në Pejë dhe një (1) e karantinuar. Nga data 08.02.2020 deri me 03.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.605 mostra të dyshimta në virusin SARS-CoV-2 dhe prej tyre, pozitive rezultojnë gjithsej 132 raste me 1 rast të vdekjes i një të moshuari 82 vjeç. Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.772 kontakte të rasteve.
