Janë konfirmuar dy rastet e para me koronavirus në Malin e Zi.
Kryeministri Dushko Markoviç ka bërë me dije se personat e infektuar ishin dy gra të moshës 72 dhe 47-vjeçare, nga Podgorica dhe Ulqini.
Markoviç ka treguar gjithashtu se njëra prej zonjave ishte kthyer nga Spanja dhe tjetra nga SHBA, dy vende ku numri i të infektuarve po rritet me shpejtësi marramendëse.
Spanja është shteti më i prekur nga koronavirusi në Europë pas Italisë, ndërsa në SHBA numri i të infektuarve ka shkuar në rreth 5 mijë persona.
Mali i Zi, ishte shteti i vetëm në Ballkanin Perëndimor pa raste të Koronavirusit.
Sipas të dhënave të Universitetit John Hopkins deri më 17 mars, në gjithë botën janë konfirmuar 185,067 raste me koronaviusin e ri. Mbi 80,236 të infektuar janë shëruar, ndërkaq të vdekur si pasojë e sëmundjes Covid-19, janë mbi 7,330 persona.
