Ditën e djeshme këngëtarja me origjinë shqiptare, Rita Ora mbajti një koncert gjigant në Berlin.
Këngëtarja u prit mjaft mirë nga publiku ku u shitën thuajse të gjitha biletat.
Në një video të publikuar në Instagram, Rita ka treguar edhe entuziazmin e fansave, të cilët këndojnë njëzëri me këngëtaren çdo fjalë të këngëve të saj.
Megjithatë ne sytë na mbetën tek një flamur kuq e zi që qëndronte në mes të turmës.
Një prej fansave të këngëtares mbante në kurriz një flamur kuq e zi, i cili ka tërhequr shumë vëmendje.
Kujtojmë se kënga me e fundit e Ritës është publikuar pak kohë më parë dhe mban titullin “Ritual”. Ajo është në bashkëpunim me Dj e njohur Tiesto dhe Jonas Blue.
