Moderatorja Ilda Bejleri dhe deputeti i PD-së Klevis Balliu janë përfolur për një lidhje dashurie. Në intervista të ndryshme Ilda është pyetur për këtë çështje, por moderatorja simpatike as nuk e ka pohuar dhe as nuk e ka mohuar një gjë të tillë. Ky fakt si dhe fotot që kanë qarkulluar në media ku dyshja e njohur shihen nën shoqërinë e njëri-tjetrit kanë bërë që dyshimet të shtohen edhe më shumë.
Klevisi i ftuar dje në emisionin e mëngjesit në “Ora News” i ka cilësuar lajmet për lidhjen me Ildën si të rreme, pasi ata janë vetëm miq dhe asnjë gjë më shumë.
“Unë me Ildën jemi miq, njihemi prej kohësh. Ato janë lajme të rreme. E kam shumë shoqe, është super gocë, super gazetare, ka thyer dy-tre tabu në televizion, por nuk është ajo që raportohet”, u shpreh Klevisi duke iu dhënë fund zërave për një lidhje të mundshme mes tij dhe moderatores simpatike.
