Është mbajtur sot seanca gjyqësore për ish-deputetin demokrat Klevis Balliu dhe 3 të ndaluarit e tjerë të Unazës së Re.
Ish-deputeti demokrat është paraqitur i qetë para palës gjykuese ku edhe nuk ka ngurruar të ngrejë dy gishtat lart.
Prokuroria në pretencën e saj ka kërkuar “arrest me burg ” për ish-deputetin Balliu dhe 3 të ndaluarit e tjerë, ndërsa gjykata vendosi t’ju japë lirinë duke kërkuar “detyrim paraqitje për Balliun dhe tre të tjerët.
Klevis Balliu akuzohet për “Kundërshtim të forcave të policisë” dhe për “Prishje të qetësisë publike”. Ish deputeti i PD, Klevis Balliu ka mohuar akuzat ndaj tij. Klevis Balliu akuzoi efektivet për dhunë fizike gjatë shoqërimit të tij.
