Familjarët e Zarife Hasanajt ishin sot në aeroportin e Rinasit, për të pritur bijën e tyre të pajetë teksa kthehej nga Letonia, ku prej 5 vitesh ishte në mision me forcat e NATO-s.
Me foton e saj të stampuar në bluzë, familjarët qëndronin krah ministres së Mbrojtjes Olta Xhaçka, të pikëlluar që vajza e tyre po rikthehej e pajetë në atdhe.
Nëntetarja Zarife Hasanaj, e cila ndërroi jetë në krye të detyrës gjatë misionit të NATO-s në Letoni, është shpallur “Dëshmore e Atdheut”.
Ndërkohë, të premten, 10 Maj, ora 10 – 11:30 në hollin e Pallatit të Kongreseve do të zhvillohen homazhet për nder të efektives së FA dhe në 11:45 – 12:30 ceremonia shtetërore me pjesëmarrjen e përfaqësuesve të lartë të shtetit, po te Pallati i Kongreseve.
