“Big Brother VIP Albania” tashmë është kthyer në ‘reality show’-n më të përfolur të momentit. Emisioni ndiqet nga e gjithë Shqipëria, ndërkohë që të gjithë kanë krijuar preferencat e tyre lidhur me banorin që do donin të fitonte çmimin e madh.
Një ndër figurat e njohura të publikut shqiptar, e cila gjithashtu ka krijuar simpatinë e saj për fituesin e garës është edhe Klea Huta.
Ajo ka publikuar një “Ask me a question” në llogarinë e saj në “Instagram”, ku ka nisur një rubrikë mini-interviste me ndjekësit e saj.
Midis shumë gjërash që ajo ka zbuluar për veten e saj, qëllimet dhe objektivat e 2022-shit, këngëtarja dhe aktorja ka ndarë gjithashtu me ndjekësit edhe mendimet e saj lidhur me emisionin e “BB VIP”.
E pyetur se kush mendon që do ta fitoj këtë kompeticion, ajo duket se është e bindur që fitoren e meriton Donald Veshaj.
“Kush e meriton ta fitojë BBV me sinqeritet?”- është pyetur ajo.
“Donald Veshaj absolutely (padyshim)”- u përgjigj Klea.
Ndërkohë, një pyetje tjetër rreth spektaklit ka qenë lidhur me Sarah Berishën. Ajo është pyetur se çfarë mendimi ka për blogeren.
“Që është një shembull për vajzat e reja për çiltërsinë, mirësinë dhe sinqeritetin që tregon dhe që ka”-ka thënë ajo.
