Balerina shqiptare, Klaudia Pepa u shfaq mbrëmjen e djeshme në “Festivalin e Filmit në Romë”. Ajo ishte e vetmja shqiptare e ftuar në këtë festival . Ka qënë vet Klaudia që ka postuar mbrëmjen e sotme disa foto dhe video gjatë momenteve në tapetin e kuq.
Balerina më e famshme shqiptare është shfaqur me një fustan të zi bust dhe me një makeup në nuanca natyrale duke mahnitur me pamjen plot sharm.
“Eksperiencë e bukur”, shkruan Klaudia krah videos ku shihet në tapetin e kuq teksa pozon para fotografëve.
Gjithashtu ajo ka pozuar se bashku me një nga aktorët më të njohur italian, Remo Girone, i njohur në vendin tonë për rolin e Tano Cariddi në serialin “Oktapodi”. Klaudia dukej më seksi se kurrë, ndërkohë që nuk është hera e parë që merr pjesë në evente të tilla në Itali, duke spikatur me sharmin e saj.
Ajo ka qenë në qendër të vëmendjes pas ndarjes me koreografin Albi Nako, divorc i cili ka qenë mjaft paqësor mes të dyve.
