Pavarësisht se duhen edhe disa muaj nga prezantimi i iPhone 8, të gjithë jemi të paduruar për të mësuar sa më shumë detaje rreth tij.
“Cowen and Company” thotë se smartphone i “Apple” për këtë 10-vjetor mund të njohë fytyrën e përdoruesit.
Këto burime thonë se do të ketë një model 5.8 inç, e kompletuar me një ekran OLED të lakuar në anë dhe një Touch ID për gjurmët e gishtave dhe sensore nën xham.
Analiza është shkruar nga Timothy Arcuri, i kompanisë “Cowen and Company”. “Karakteristika të tjera përfshijnë edhe disa opsione për njohjen e fytyrës të mbështetur nga një sensor i ri lazeri me infra të kuqe, të montuar afër kamerës frontale të telefonit dhe pritet që të ketë më në fund dhe ushqyes wireless”, ka shkruar Arcuri.
Megjithatë ky është lajmi i parë për një sensor të ri, pasi firma ka blerë kompaninë për prodhimin e sensorëve infra të kuqe, Primesense në 2013.
