Remix-i i këngës ‘Fshatarja Ime’ të Sabri Fejzullahut, duket po korr sukses të madh jashtë kufijve të Shqipërisë.
Bashkëpunimi i ri i Ledri Vulës dhe Ermal Fejzullahut u prezantua për herë të parë si surprizë e Ermalit për 50-vjetorin e karrierës së të atit, ndërsa është publikuar në Youtube vetëm në versionin audio.
Ka më pak se një javë dhe ka arritur mbi 1 milionë klikime si dhe është kënga e parë që kryeson në Zvicër.
Lajmin e ka bërë të ditur vetëm Ermali në rrjetin social Instagram ku duket tepër krenar për këtë arritje.
