Në ditët e sotme në banjot e lokaleve apo club-eve të natës, letrat e duarve janë zëvendësuar me tharëset elektrike. Pikërisht kjo është konsideruar si zgjedhja më e mirë, duke pasur parasysh që të gjithë ne sigurohemi që të mos prekim asnjë gjë me dorë në këto ambiente pasi aty qarkullojnë shumë baktere.
Mirëpo ndonjëherë duke u kujdesur që të bësh zgjedhjen sa më të mirë të mundshme, edhe gabon. Këtë na e vërtetoi më së miri një eksperiment i realizuar në Nichole Ward-i.
Ajo vendosi një pjatë transparente laboratori në tharësen e duarve që përdorim në banjo dhe e la aty për 3 minuta. Rezultati ishte befasues.
Një pushtim i gjallë mikrobesh, që nga fotoja duken si Escherichia-coli, bakter shumë i rrezikshëm.
“Mos i thani më duart me diçka të tillë. Këto lloj kërpudhash apo bakteresh do të ngjiten në duart tuaja, ndërkohë që ju largoheni me idenë se i keni duart të pastra.”, shkruajti Nichole në Facebook.
Nuk munguan skeptikët, të cilët u shprehën se mbase shqetësimi i Nichole-s ishte i tepruar. Ekspertja e shëndetit Jennifer Wider tha se në fakt shqetësimi i Nichole- s nuk ishte aq i tepruar sa dukej. Ajo pohoi se fotografia përbënte një shqetësim publik.
“Banjot publike janë të mbushura me mikrobe dhe nuk është për t’u çuditur që tharësit e duarve të përhapin gjithashtu mikrobe. Disa studime e kanë kundërshtuar idenë se tharësit e duarve mbajnë mikrobe, por unë mendoj se ky eksperiment i pjatës është mjaft bindës.”
Burimi: Women’s Health
