Kina ndezi makinerinë e krijuar të prodhojë energji pa limit, e njohur ndryshe si “Dielli artificial”. Fizikantët kërkojnë ta bëjnë atë edhe më të nxehtë sesa Dielli i vërtetë.
Struktura e pabesueshme do të jetë në gjendje të arrijë 100 milionë gradë Celsius – gjashtë herë më e nxehtë se qendra e Diellit tonë.
Testimet kanë nisur në qendrën kërkimore “Hefei” me qëllimin të arrihet një temperaturë edhe më e lartë dhe me një kohëzgjatje më të madhe të veprimit.
Tashmë përpjekjet e ekspertëve tani janë fokusuar që ta bëjnë atë më të qëndrueshme.
Shkencëtarët shpresojnë se “dielli artificial” do të ndihmojë në shfrytëzimin e fuqisë së shkrirjes bërthamore.
Kjo do ta sillte njerëzimin një hap më afër krijimit të “energjisë së pastër të pakufizuar”, duke imituar reagimet që ndodhin natyrshëm brenda Diellit.
“Dielli artificial” u njoftua për herë të parë nga studiuesit kinezë nëntorin e kaluar, por projekti sapo ka arritur një moment historik të rëndësishëm.
E krijuar dhe zhvilluar nga kinezët, “EAST” është përdorur që nga 2006-ta nga shkencëtarë anembanë globit për eksperimente të lidhura me fuzionin.
Ndërkohë që Dielli artificial të arrinte të sillej në jetë, u desh puna e më shumë se 10.000 hulumtuesve shkencorë, kinezë e të huaj.
Reuters thotë se “EAST” arrin temperaturë ekstreme për t’i shndërruar izotopet e hidrogjenit në plazmë, duke i shkrirë e duke çliruar energji.
Kina ka shpenzuar gati 701 milionë paundë për këtë projekt. Energjia e krijuar pothuajse nuk shkakton aspak mbetje radioaktive dhe kërkon vetëm sasi të vogla karburanti.
