Katy Perry raportohet të ndalohet nga Kina për një kohë të pacaktuar para performancës së saj në “Victoria’s Secret”, i cili do të organizohet të hënën në Shanghai.
“Page Six” ka raportuar ditën e enjte se autoritetet kineze kanë refuzuar vizën e divës 33-vjeçare për shkak të veshjes gjatë një koncerti në vitin 2015, në Taipei Arena.
Fustani i saj nxiti polemika sepse luledielli ishte simboli kryesor i një proteste në 2014-n, që protestonte ndaj një marrëveshjeje tregtare kineze që shihej si e padrejtë ndaj Tajvanit. Në një moment të koncertit, Perry gjithashtu lidhi një flamur të Tajvanit mbi shpatullat e saj.
Megjithëse nuk ishte qëllimisht, fustani dhe flamuri janë parë si një gjest politik dhe shkaktuan trazira në Kinë, e cila ka patur tensione me Tajvanin lidhur me pavarësinë e saj.
Tani përflitet se do të jetë Harry Styles ai që do të zëvendësojë Perry-n në këtë performancë. Lajmi për refuzimin e vizës së Katy-t u publikua vetëm disa orë pasi Gigi Hadid bëri publik lajmin se nuk mund të merrte pjesë në këtë event të rëndësishëm të modës.
Burimi: Harper’s Bazaar
