Vetëm Kim Kardashian kishte mbetur pa bërë një koleksion produktesh bukurie!
Tani Kim zbuloi se linja e re kozmetike do të përfshijë kuti konturesh. Gjatë një interviste në prapaskenë në Samitin e Gruas të “Forbes”, 36-vjeçarja foli për herë të parë për koleksionin e saj.
“KKW Beauty” do të dalë në treg më 21 qershor dhe përfshin një çantë me shkëlqyes dhe një furçë të dyfishtë të përshtatshme për përzierje.
“Unë ndryshoj pamjet e mia gjatë gjithë kohës, por e vetmja gjë që është e pandryshueshme është konturi”, shpjegoi Kim.
Por fansat e makijazhit nuk duhet të shqetësohen. Ajo planifikon të prezantojë më shumë produkte kozmetike të frymëzuara nga të preferuarat e saj në të ardhmen, ndoshta pas 1 muaji.
“Me shpresë çdo muaj do të prezantojmë një produkt të ri. Jam duke u përqendruar te lëkura, konturimi, kremi pudër dhe të gjitha produktet e mia të preferuara do të vijnë shpejt”, tha Kim.
Kim publikoi tashmë një foto me parfumin e saj KKW.
Burimi: Harper’s Bazaar
