Kim Kardashian nuk është ende gati për të nisur një lidhje të re. Edhe pse divorci me Kanye ishte një dëshirë e saj, Kim duket se nuk dëshiron të përfshihet në një marrëdhënie tjetër. Një burim pranë saj ka thënë për “Us Weekly” se Kim shqetësohte se ndoshta meshkujt nuk dëshirojnë të jenë pranë saj, duke pasur parasysh sa publike ishte lidhja e saj me Kanye West.
“Ajo nuk është përqendruar në takime romantike në këtë moment, sepse shqetësohet se djemtë nuk do të duan të dalin me të për shkak se marrëdhënia e saj me Kanye ishte shumë publike”, tha një burim ekskluzivisht për Us Weekly.
Gjithashtu ky burim ka treguar se Kim e ka shumë të vështirë t’i besojë dikujt dhe ta lejojë të hyjë në jetën e saj private.
“Ajo gjithashtu e di se sa e vështirë është të fitosh besimin e dikujt kështu që mendon se do të duhet kohë para se të lejojë dikë në jetën e saj private. Ishte e lehtë me Kanye sepse ata ishin miq më parë, kështu që kishin besim për vite me radhë”, tregoi burimi.
Ndërkohë kujtojmë se para pak ditësh, Kim Kardashian ju dha fund gjithë fjalëve që thoshin se ajo kishte nsiur një lidhje me Van Jones ose Maluma-n.
Kim e mohoi të jetë në një lidhje dashurie me Van Jones apo Maluma-n. Madje ajo shtoi se Jones i ka dërguar mesazhe, ku i thoshte se pas këtyre thashethemve ka pasur më shumë kërkesa për takime romantike.
