Futbollisti i famshëm i Dortmundit, Erling Haaland, po shijon pushime luksoze, pasi skuadra e tij nuk merr pjesë në Kampionatin e famshëm Europian.
Prej disa ditësh, ai po kalon pushime të çmendura në Mykonos, në shoqërinë e Riyad Mahrez, lojtarit të Manchester City dhe duket se po shijon gjithçka në maksimum.
Sulmuesi norvegjez vijon të qëndrojë në ishullin grek, tashmë të famshëm për jetën që bëjnë të rinjtë atje dhe siç raportohet lojtari ka shpenzuar jo pak por 500 mijë euro për 6 orë në një restorant me miqtë e tij. Shifra të kripura apo jo? Por prisni se ka akoma!
Sigurisht që 20-vjeçari jo vetëm që ka paguar për të gjithë, por nga ana tjetër ka treguar edhe anën humane, teksa ka lënë 30 mijë euro bakshish për stafin, pak më pak se rroga vjetore e një mjeku në Europë.
Paratë nuk janë problem për të pasi paguhet shumë mirë dhe do të fitojë akoma më shumë nëse transferimi i tij tek Real Madrid apo Manchester City do të konkretizohet këtë sezon. Nëse kjo ndodh, ai do të marrë një rrogë 15-18 milion euro në vit.
Me siguri pasi lexuat këtë lajm, u “mërzitët” pse nuk keni edhe ju një mik të tillë në rrethin tuaj shoqëror! Mos na thoni jo!
Just #ManCity fan @ErlingHaaland and a blonde Riyad @Mahrez22 on holiday in Mykonos. [IG]pic.twitter.com/vCllrKJajU
— City Report (@cityreport_) June 14, 2021
