Kim Kardashian tërhoqi padinë kundër medias “MediaTakeOut”, pasi uebsajti kërkoi falje për raportimin se “ajo e kishte sajuar grabitjen e saj”.
“Zonja Kardashian West tërhoqi vullnetarisht padinë kundër MTO dhe zotit Mwangaguhunga. Çështja u zgjidh në mënyrë të kënaqshme nga të dyja palët”, tha avokati i saj, Andrew B. Brettler për “USA Today”.
Lajmi u përhap në fillim të këtij muaji, se ylli i reality-show-t po merrte veprime ligjore kundër sajtit, që publikoi tre histori se si ajo “organizoi” grabitjen e armatosur në Paris dhe ishte fajtore për mashtrimin e sigurimit.
Ajo gjithashtu thuhet se paditi uebsajtin “Radar Online”, pasi postoi një video të saj brenda apartamentit pas sulmit.
“MediaTakeOut” kërkoi falje publike të hënën: “MediaTakeOut” për fat të keq ka publikuar një seri historish të rreme në lidhje me Kim Kardashian West, me pretendimin se ajo kishte falsifikuar grabitjen në Paris, gënjeu autoritetet dhe pastaj paraqiti një kërkesë mashtrimi sigurimi 5.6 milionë dollarëshe për bizhuteritë e saj të vjedhura. “MediaTakeOut” di se zonja Kardashian West u grabit në fakt në Paris. Ne kemi hequr përgjithmonë nga faqja jonë të gjitha postimet që pretendonin organizimin e vjedhjes. Me sinqeritet i kërkojmë ndjesë znj. Kardashian West dhe familjes së saj për historitë e rreme të publikuara dhe me keqardhje themi se ajo që ndodhi në Paris ishte e tmerrshme. Jemi të kënaqur që kjo çështje është zgjidhur në mënyrë të kënaqshme nga të gjitha palët”.
Mwangaguhunga pranoi së fundmi për CNN se sajti i tij “shkoi shumë larg”, me raportimet për grabitjen e Kardashian.
Burimi: Harper’s Bazaar
