Gigi Hadid zbuloi çizmet që ka dizajnuar për Stuart Weitzman.
Duke punuar për markën si një yll i fushatës për dy sezonet e fundit, modelja ka krijuar çizme deri te kyçi me takë . Çizmet me lidhëse, çmimet e të cilave variojnë nga 460-498 paundë, vijnë në tre ngjyra të ndryshme, e argjendta metalike, bakri dhe lëkura e zezë me dizajnët e lëkurës së krokodilit.
“Kjo eksperiencë ka qenë shumë emocionuese, nga zgjedhja e stilit për të caktuar materialet deri te krijimi i kutisë. Jam shumë e gëzuar që më në fund mund të prezantoj këto këpucë dhe mund t’i vesh ato vet”, tha Hadid.
Për të festuar bashkëpunimin, James Franco u punësua për të krijuar një filmim promocional me Gigi-n në arenën e boksit.
WWD raporton se shitjet për këpucët do t’i dhurohen për bamirësi “Pencils of Promise” dhe Weitzman ka premtuar të ndërtojë tri shkolla në Ghana, Guatemala dhe Laos.
“Nuk mund të kisha kërkuar një mënyrë më të mirë për të çuar më tej partneritetin tim me Stuart Weitzman, se sa të bëhesha krijuese dhe jam kaq e lumtur të di, që çizmet e dizajnuara prej meje do të ndihmojnë fëmijët me anë të organizatës jo-fitimprurëse, “Pencils of Promise”. Jam me të vërtetë krenare për këtë bashkëpunim nga të gjitha anët”, tha Hadid.
Burimi: Harper’s Bazaar
