Çdo gjë që bën Kim Kardashian tërheq vëmendjen dhe ne shqiptarët duket sikur kemi një debules për të. Postimi i saj i fundit në “InstaStory” ishte një video mbi të cilën lexohej qartë shkrimi “Libra”.
Mendimi i parë që të vjen ndërmend teksa e sheh këtë postim është: Po Kim nga e njeh partinë “Libra” të Ben Blushit? Apo po vazhdon ende fushata?
Në fakt, bëhet fjalë thjesht për një postim të zakonshëm dhe jo, Kim nuk njeh asnjë parti shqiptare dhe as do t’ia dijë për politikë.
“Libra” në të vërtetë është shenja e peshores, në gjuhën angleze.
Ajo ka marrë dhuratë një bluzë me shenjën e Peshores dhe bashkangjitur një letër që tregon karakteristikat e kësaj shenje.
