Alice Marie Johnson e dënuar me burgim të përjetshëm, është liruar nga burgu pasi u fal nga Presidenti Donald Trump.
Ishte ylli i “Keeping Up With The Kardashian”, Kim Kardashian e cila loboi për lirimin e 63-vjeçares, pasi u bë e ditur me rastin e saj në rrjetet sociale. Javën e kaluar, ajo u takua me presidentin Trump, ku së bashku me avokatin e saj, kërkuan që Johnson të lirohej nga burgu. Kardashian falënderoi presidentin amerikan se tregoi mëshirë dhe i fali Alice Marie Johnson një shanc të dytë.
Ndërkohë Shtëpia e Bardhë në një deklaratë për mediat, shkruan se Johnson ishte një e burgosur ‘model’ dhe kishte punuar shumë për të rehabilituar veten. Ajo u dënua në vitin 1996 së bashku me 15 persona të tjerë, nën akuzat e pjesëmarrjes në një rrjet të shpërndarjes së kokainës dhe pastrim të parave në Tennessee.
“Administrata do të vijoj të mbaj një reagim shumë të ashpër ndaj atyre që shkelin ligjin, por personat që kanë paguar për gabimin e tyre ndaj shoqërisë dhe kanë punuar me veten gjatë periudhës në burg, meritojnë një shanc të dytë” – shkruhej në deklaratë
Alice Johnson vrapoi në lot drejt familjes së saj pasi doli nga burgu në Pickens County, Alabama. Ndiqni videon më poshtë:
