Chloe Green dhe Jeremy Meeks janë bërë prindër të një vogëlushi të cilin e kanë pagëzuar me emrin Jayden Meeks-Green.
Ky është fëmija i parë për trashëgimtaren e Topshop-it, 27 vjeç, por jo për modelin 34-vjeçar, i cili ka dy djem nga martesa e parë.
Ka qenë modeli që ka njoftuar fansat e tij në Instagram, ku kërkon edhe privatësi në këto momente kaq të rëndësishme:
“Jemi të lumtur të njoftojmë lindjen e djalit tonë të bukur Jayden Meeks-Green, i lindur më 29 maj 2018. Mami dhe foshnja janë mirë. Ju lutemi që të respektoni privatësinë tonë. me shumë dashuri Jeremy & Chloe”.
Romanca mes miliarderes Chloe dhe ish-kriminelit më seksi, nisi verën e kaluar kur u shfaqën disa fotografi të dyshes duke u puthur në një jaht në Bodrum, Turqi, edhe pse Meeks ishte ende i martuar ligjërisht me gruan e tij, Melissa Meeks.
Lajmi që po prisnin një fëmijë erdhi pasi ata bënë hapin e ardhshëm në marrëdhënien e tyre, duke përfshirë jetesën së bashku dhe krijimin e një familjeje.
Çifti e ka marrë bekimin e babait biznesmen të Chloe, Philip dhe nënës Tina.
