Të gjithë e presim me padurim ditëlindjen dhe fillojmë përgatitjet ditë e ka raste edhe disa muaj para. OK, ka edhe njerëz që nuk pëlqejnë fare ta festojë këtë ditë, por do merremi një ditë tjetër me ta.
Shpesh kemi parë se si personazhet publike festojnë ditëlindjet për disa ditë me radhë, duke na bërë t’i kemi zili me postimet e tyre në rrjetet sociale.
Dhe që thoni ju, ditën e nesërme një nga vajzat më të ëmbla, të dashura dhe të suksesshme të showbizit feston ditëlindjen.
Sigurisht e kemi fjalën për Kidën, e cila mbush nesër 23 vjeç dhe duke marrë parasysh moshën e saj vlen të thuhet “Nuk keni parë gjë akoma”.
Kidushi ka filluar nga festa dhe sonte duket se ka mbledhur në shtëpinë e saj mikeshat më të ngushta për të pritur së bashku orën 00:00 dhe datën 21 dhjetor.
Në rrjet po qarkullojnë shumë video nga festa e tyre, ku siç kuptohet nga pamjet po e djegin fare.
E meriton këtë super festë sepse ky vit ka qenë shumë i rëndësishëm për Kidën. Përtej faktit se na ka kënaqur të gjithëve me muzikë të bukur, duket se në 2020 ajo ka thyer paksa kornizat e gocës së “mirë” dhe “të pafajshme”.
Para disa ditësh ajo publikoi “Drunk”, ku siç nuk e kishim parë ndonjëherë, tregoi se mund të ishte edhe një repere shumë e mirë.
3 muaj më parë Kida solli “Edhe sa”, ku ndryshe nga si e kemi portretizuar si vajza e ëmbël dhe e mirë, këtë herë pamë një Kidë tjetër.
Vajza të bukura e moskokëçarëse, të pavarura, para, bixhoz e makina, është kjo panorama e përgjithshme e klipit.
E sigurisht, ajo është autore e hitit të verës “PP”, për të cilën bashkoi forcat me Mozzik dhe na dhuruan të dy një hit që do i mbijetojë kohës. Aktualisht kënga numëron mbi 50 milionë klikime.
