Pritjet janë gjithnjë të vështira e sidomos kur bëhet fjalë për shtatzënitë, që iu shtohet edhe padurimi për të marrë në krahë frytin e dashurisë.
Edhe Sara Hoxhës, mesa na ka treguar në rrjetet sociale, i është dukur pafundësisht e gjatë pritja e ëmbël dhe hera-herës ka ndarë postime funny lidhur me kilogramët e tepërt të shtatzënisë, si ky këtu:
E nuk kanë munguar as postimet kur Sara kujtonte me nostalgji kohët kur ende nuk ishte shtatzënë dhe kishte një trup për tu patur zili, si ky këtu:
E tashmë që është bërë nënë duket se Sarës po i mungon shtatzënia. Bukuroshja bjonde ka ndarë mbrëmjen e sotme një foto nga periudha kur ishte shtatzënë, duke shkruar:
Nuk jam më shtatzënë, por ende nuk kam një fotografi pas lindjes, kështu që po bëj një kthim pas në kohë!
6 më parë, reperi Ledri Vula dhe partnerja e tij Sara Hoxha morën në duar bekimin e tyre të parë. Sara solli në jetë vogëlushen që kaq shumë e kishin pritur, të cilën e pagëzuan me emrin Poem Blu.
Dyshja nuk na e kurseu në rrjete sociale portretin e të voglës, që u kthye menjëherë në bebushin më të komentuar në Shqipëri e Kosovë.
Poem Blu duket të ketë një domethënie të madhe për Ledrin dhe Sarën, të cilët pagëzuan frytin e dashurisë së tyre të madhe.
Ndonëse është shumë e vogël, duket se fansat e kanë gjetur që tani se me kë ngjan më shumë Poem. Ka qenë një foto e reperit kur ai ishte i vogël që ka nxjerrë në pah ngjashmërinë e tij me të bijën.
Nuk dihet se sa vjeç ka qenë Ledri në këtë foto, por që e vogla s’i ka lënë gjë, kjo shihet qartazi.
Sakaq, reperi nuk ka humbur kohë dhe po bën gati rikthimin në muzikë. Duket se ai ka gati këngën e parë si baba dhe ne mezi po presim.
Ledri ka publikuar ditën e djeshme një video në Instagram, duke ndarë me fansat disa sekonda nga kënga e tij.
“I need you!” ka shkruar ai, duke lënë të kuptohet se ky do jetë titulli i projektit. Megjithatë, nuk dihet ende se kur do publikohet kjo këngë.
