Këngëtari Luiz Ejlli është gjithnjë në qendër të vëmendjes në “BBV” me batutat dhe shakatë e tij.
Së fundmi ai i ka punuar një rreng moderatores Kiara Tito, për të cilën me sa duket ka edhe një pëlqim.
Në sirtarin e krevatit të Kiarës ndodhej një insekt dhe teksa Luizi po e hiqte tentoi ta trembë moderatoren me të. Por me sa duket jo gjithçka shkoi aq mirë pasi moderatorja u pa edhe duke qarë nga shakaja e tij.
Kujtojmë se Luizi preferon të ngacmojë e të bëj shaka me vajzat e shtëpisë. Një ndër vajzat me të cilën ai bisedon më shpesh është pikërisht Kiara Tito. Jo vetëm kaq por ai ka shumë qejf që ta ngacmojë moderatoren. Por i pyetur gjatë puntatës së mbrëmjes së djeshme nga Arbana Osmani, Luizi mohoi të pëlqente ndonjërën në veçanti duke thënë se i sheh si motra.
“Jo asnjë. Pyetje është kjo moj Arbanë? A nuk i ke parë njëra më e bukur se tjetra? Unë i shoh të tëra si motra. Jemi familje e madhe shumë e lumtur”, tha ndër të tjera Luizi.
Shumë banorë të BBV Albania nuk i kanë kursyer komentet për Luizin. Edhe pse ata kanë pak ditë që janë bërë pjesë e shtëpisë së famshme, Luizi ka marrë vëmendjen e padiskutueshme për tipin dhe humorin e tij.
Por Tea Trifoni ndër të tjera e ka cilësuar këngëtarin si “pervers”.
