Epo Tristan Thompson i paska propozuar Khloe-s dikur por ajo nuk paska pranuar.
Si ndodhi ngjarja?
Mësohet se ai i propozoi yllit të “Keeping Up With The Kardashians” në dhjetor të vitit 2020.
Por pse refuzoi Khloe?
Për “The Kardashians”, Khloe e zbuloi vetë këtë lajm të bujshëm që në fakt nuk e dinte as familja e saj.
“Më duhet të sigurohem që kjo është një marrëdhënie krejtësisht e ndryshme sepse dua të jem krenare të them se jam e fejuar. Dhe kjo është arsyeja pse thashë se nuk jam rehat ta pranoj këtë tani sepse nuk jam e emocionuar t’i tregoj familjes sime”, tha Khloe.
“Sado e dhimbshme që ndoshta ishte për të të dëgjonte se ishte e vërteta, unë kurrë nuk do të pranoj diçka dhe do t’i jap dikujt shpresë të rreme”, vijoi më tej ajo.
Mirëpo, ajo ende po e vuan ndarjen nga Tristan dhe tradhtitë e tij, duke pasur parasysh që janë zbuluar disa skandale.
“Nuk e di nëse jam e fortë. Unë jam thjesht e mpirë ndaj gjithë kësaj, sa mund të durojnë njerëzit?”, vijoi ajo të thoshte ndër të tjera.
Kujtojmë që Khloe u përfol për një lidhje dashurie me Michele Morrone, pasi ata u panë mjaft të afërt me njëri-tjetrin.
