“Swarovski” organizoi eventin e nisjes së fushatës vjetore të festave, ditën e hapjes së Javës së Modës në Milano. Ambasadorja e markës, Karlie Kloss, kryesonte listën e gjatë të të ftuarve të famshëm, që morën pjesë në festën “Swarovski Crystal Wonderland”.
Më pas eventi vijoi me një darkë ekskluzive, ku 100 të ftuar të mbledhur nga e gjithë bota patën nderin të shikonin Andrea Bocelli-n, duke kënduar hitet klasikët të Krishtlindjeve. Ai u prezantua nga Karlie, e cila darkoi në një tryezë me Naomi Campbell.
Kodi i veshjes, i kuq dhe i argjendtë, nënkuptonte se tapeti i kuq solli disa nga veshjet më të paharrueshme.
Chiara Ferragni mbante një fustan me ngjyrë të kuqe i gjithi me kristale “Swarovski”, që shkëlqente si një xhevahir, ndërsa të gjithë sytë ishin te fustani i 25-vjeçares Kloss.
Modelja kishte zgjedhur një fustan të dizajnuar me tre ngjyra të ndryshme i gjithi me kristale “Swarovski”, të kombinuar me çantën e kuqe me gurët e së njëjtës markë.
Ato janë dy nga modelet më të suksesshme në botë, të cilat kanë marrë pjesë në fushatat e pafundme të modës së lartë dhe kanë sfiluar në pasarelat elitë.
Kështu që nuk është për t’u çuditur që Alessandra Ambrosio dhe Naomi Campbell ishin qendra e vëmendjes natën e së mërkurës, pasi morën pjesë në festën e “Swarovski”-it.
36-vjeçarja Alessandra tregoi anën sensuale me një “jumpsuit” të zi me shkëlqim, ndërsa 47-vjeçarja Naomi kishte veshur fustanin të zi të gjatë.
Të gjitha mbanin aksesorët “Swarovski” duke zgjedhur të duhurat për paraqitjen e tyre. Ndërsa i qëndruan besnike stilit klasik, modelet kishin zgjedhur bizhuteritë që ndërthurnin edhe stilin modern.
Jourdan Dunn dhe Karlie Kloss
Karlie Kloss
Shanina Shaik
Chiara Ferragni
Naomi Campbell
Daya
Jourdan Dunn
Martha Hunt dhe Shanina Shaik
Burimi: PopSugar/Daily Mail
