Aktorit i njihur anglez, Simon Gregson – i cili luan në filmin “Coronation Street” – iu kërkua të largohej nga një klub pasi hoqi këmishën e tij dhe filloi të kërcente ‘topless’ nëpër tavolinat e klientëve të pranishëm.
Sipas “The Sun”, ylli britanik u tërbua me truprojat që u përpoqën ta nxirrnin jashtë.
Simon kishte qenë në festë me aktoren Alexandra Mardell. Me ta ishte edhe ish-ylli i “Corrie”, Katie McGlynn.
Një dëshmitar i cili ndodhej në klub tha:
“Ai ishte jeta dhe shpirti i festës, por e çoi pak më larg dhe në fund mërziti stafin e barit dhe truprojat”.
Videoja – e cila ishte ekskluzive për “The Sun” – tregon Simonin ‘topless’ dhe duke debatuar me rojet e sigurimit ndërsa ata përpiqeshin ta largonin atë.
Ndërsa disa anëtarë të turmës bërtasin, një truprojë i kap dy herë krahun ndërsa e urdhëron të zbresë poshtë nga ku kishte hipur.
Një ekspert i leximit të buzëve tha se Simon mund të shihet duke sharë ndërsa dy anëtarët e stafit përpiqen ta qetësojnë atë. Më pas ai duket se thotë “Do të zbres” përpara se të largohet nga skena.
Më herët gjatë natës, Simon u fotografua duke përqafuar Alexandran, 28 vjeçe, dhe të dashurin e saj Joe Parker.
