Një gjumë i keq na bën të ndjehemi të lodhur menjëherë sapo zgjoheni. Madje është një ndër arsyet përse njerëzit shtojnë peshë. Por nëse ndiqni këshillat e renditura më poshtë nga “Iconstyle.al”, nuk do t’iu duhet të luftoni me gjumin e parehatshëhm.
Të flesh në një pozicion të parehatshëm, edhe nëse je vetëm apo me partnerin, streson trupin tuaj. Zgjidhja më e përshtatshme është të gjesh pozicionin që ndjehesh më rehat dhe mos e ndrysho derisa të të zërë gjumi.
Krijo një regjim tëndin: si fillim, bëj një dush të ngrohtë (as të nxehtë e as të ftohtë). Rehatohu në krevat dhe dëgjo muzikën tënde të preferuar. Dhe si me magji, do flini gjithë natën si qingj.
Edhe përse kur konsumoni alkool do t’iu zërë gjumi më shpejt, do të zgjoheni me dhimbje të tmerrshme koke, të lodhur e me të vjella. Ndaj e mira është të mos konsumoni alkool dy orë përpara se të flini gjumë. E mira do të ishte të hiqnit krejtësisht dorë nga alkooli, por gjithsesi është vendimi yt personal. Nuk po përzihemi!
Të gjithë i rrimë larg kafes kur afron orari i pasdites, për shkak të pagjumësisë. Mos harro se jo vetëm kafja, por çaj dhe çokollata duhen larguar kategorikisht.
Mos punoni nga laptopi në krevat! Mos shikoni filma nga tableti në krevat. Krevati është për gjumë! Do e keni shumë të vështirë të gjeni paqen përpara gjumit.
Çdo natë shtriu në krevat në të njëjtën orë, më e mira do të ishte nga ora 22.00 deri në orën 1 të mëngjesit. Elemino çdo dritë në dhomë, madje ju këshillojmë të blini një maskë për sytë. Sa më errësirë të jetë, aq më të bukura do të jenë ëndrrat. E nëse zhurma pranë teje është e padurueshme, mos harroni të vendosni tapa për veshët.
